Sri Malem Br Bangun-Amak Mbentar Salih Rupana

Perban jadina kel nge ndube ateku kena ma iting
la nggo kutogan la nggo kusimbak sura-surandu
perban kelengna kel nge ndube ateku kena mesayang
nggo kel keri sinasa litna kubereken bandu

rudang-rudang simehagana ibas geluhku mama iting
nggo kubereken tanda bukti ateku ngena
amak si mbentar salih rupana jadi saksina kusayangi
paksa ersada kita duana bas ate ngena

perban beluhna kel ndube ersandiwara turang
piah kutogan ndube ranan nande ras bapa
perban beluhna kam ndube melasken kata mesayang
piah nggo lupa aku la tampil nandangi kena

kuakap kin ndube kena maba simalem-malem
kubas geluhku siperliah dingen mesera
kepeken kena maba racun radumken bisa
erban nanginndu nggo mombak bas ate ngena

gundari tading kel aku bahanndu
lawes kel kena mama iting ngelokken janji
kuja nari nge pagi kuaduken
keri tebuna sampahna i buangkenndu
la nge kam mbiar mama iting kena karmana
ingetndu min kusayangi kam pe erturang
tanggung jawapi morah ate perbahanenndu
adina kin tuhu aku keleng atendu

More about → Sri Malem Br Bangun-Amak Mbentar Salih Rupana

Sri Malem Br Bangun-Kuliki Mbaba Berita

Entah lanai lit dalan jumpa
lanai-lanai banci ersada
bekas penading kenndu ndube
termampa-mampa nangin e

kuliki kabang mangke-angke
sorana tempa nuri-nuri
tempa-tempa mbaba berita
nggo kepe kena erjabu

ho … ooo …. risona
ho … ooo …. lengetna

getem pusuhku ise nge singapulisa
adi la mama tigan ndai
serbut ukurku ise nge singapulisa
adi la bere karo ndai

ho … ooo …. risona
ho … ooo …. linona

More about → Sri Malem Br Bangun-Kuliki Mbaba Berita

Sri Malem Br Bangun-Aku La Biasa Tadingken Ndu

Tigan ma tiganku keleng ateku
kusayangi ija kena gundari
aku kelungunen bas jelma sinterem e morah ate adi lenga jumpa ras kena
entebu tengguli e macem kuakap nanamna
gula ras tualah e pagit kuakap nanamna
tigan mama tigan adi la kita ras mansa duana

aku la banci tunduh tengah berngi e
adina la i nina bobokkenndu
tendiku termampa-mampa kujah kuje
adi lenga mbegi mbegi sorandu
ngidah rupandu e bene ngalah-ngalahku
natap ciremndu e bene latih dagingku
gelah deherndu e ma tiganku utang pe kuakap ido

ula pedah sada minggu aku i tadingkenndu
sada wari pe la ku ngasup
ula edah lebe-lebeku jumpaindu jelma sideban
ibas nipi pe banci ula
bagem nina ukurku kupeseh menda bandu
ula kutadingken mama tigan
bagem nina ukurku ku kataken menda man bandu
ula ku tadingken bere karoku

More about → Sri Malem Br Bangun-Aku La Biasa Tadingken Ndu

Sri Malem Br Bangun-Awal Bulan Juli

Pernah sipuduni arih-arihta duana Ma Tigan
erjabu banta pagi kerja tahun enda
ersada kita turang eme janjinta

awal bulan Juli enggo me sambar tahunna gundari
mata kerja tahun enggo dua kali kuinget lewati
tapi arihta erpadan lalap la erdemu
ersada kita turang lalap la tudu

terdaram-daram aku kai salahku Mama Tigan
makana arihta bagenda jadina la erkedungen
kune kubentasi Berastagi mesayang
lalap kutertulih ku uruk Gundaling ndauh kel tuhu

Mama Tigan tedeh teku kena

More about → Sri Malem Br Bangun-Awal Bulan Juli

Sri Malem Br Bangun-Tambar Ula Tulpak

Ula nai makaro tambahindu ateku mesui
ugah si tadingkenndu kin pe lenga malem
kai denga dage sura-surandu
maka reh kena mama Karo-na
njumpai nande nanginndu

Lenga nge puas ukurndu natapsa aku enggo bagenda
nggeluh nge ningen tempa lalap la
bagi nakan turang si enggo i tangger
lanai lit jelma bere Itingku si pet mulihi mansa

Ula aku bahanndu Karongku tading dapeten tambar ula tulpakndu
Amin lanai lit ergaku ibas ukurku
sima-siamaku lit denga si rate keleng
kerna nanginndu ula nai singetndu nari
adi gelarndu enggo kusasap ibas pusuhku

More about → Sri Malem Br Bangun-Tambar Ula Tulpak

Sri Malem Br Bangun - Dinding Kaca

Tuhu aku enggo salah
tuhu aku enggo lepak
ibas pengarapenku silanai bo banci tumbuk
la erkeri-keri la terbukui
ukurku mesikel nuri-nuri lanai bo terbuali

gia ateku ngena tuhu atendu keleng
lanai bo terpegedang arih si enggo terulang
dinding-dinding kaca baleng-balengna
pedemu ibas mata la banci jumpa
lanai banci ersada

tuhu lanai lit dalan erdemu
ibas ateku ngena atendu ngena
kam enggo erjabu aku lanai sisada
lanai bo lit oratna nambahi ateta ceda
enggo me mama iting lupaken saja
buniken ateta ngena ibas pusuhta
surianilah pusuhta

More about → Sri Malem Br Bangun - Dinding Kaca

Sri Malem Br Bangun - Suasa Ras Berlian

Lapadah sada minggu kita la jumpa
sada wari kin pe kuakap ndekahsa
la padah sada wari kam la kuidah
sada jam kin pe aku gelisah

tiap malam tiap malam nangin terbayang
terbayang bayang man mama tiganna
suari berngi suari berngi kena kuinget
sagna tunduh tangkel bas nipi

lanai min ateku pagi kita sirang
bagi berlian arah suasa
mereja eja gia bage berlian
tapi suasa bage kepitenna

More about → Sri Malem Br Bangun - Suasa Ras Berlian

Sri Malem Br Bangun - Teman Tapi Mesra

Kata-katangku nge si ningku la teku jadi
lang si erbansa mama Iting
matangku la banci tunduh
lalap kel terbayang-bayang
la lit la lit sideban selain kena mesayang
piah enggo kedungenna pusuhku mbaba beratna
ngidahsa kena kukelengi

erteman ras diberu si pang nuriken ukurna
lanai-lanai terbabaku pusuhku luka Itingku

silap pe labo dalih la pedah sehken mama Itingku
gelah lit dalinku tampil gia metepi ibas pusuhndu
ula pernah i belinkenndu kerehenndu ibas pusuhndu
gelah lit saja kel gelarku si jadi inget-ingetenndu

kita erteman mama Iting erteman tapi mesra.
kita erteman ku sayangi erteman tapi mesra

More about → Sri Malem Br Bangun - Teman Tapi Mesra